Հայաստանի ֆիզիկական կուլտուրայի և սպորտի պետական ինստիտուտում հանդիսավոր արարողությամբ շնորհակալագրեր հանձնեցինք բուհի տարբեր տարիների շրջանավարտներ՝ բռնցքամարտի Եվրոպայի կանանց առաջնության, ինչպես նաև ըմբշամարտի և ծանրամարտի աշխարհի և Եվրոպայի երիտասարդական առաջնությունների չեմպիոններ և մրցանակակիրներ դարձած մարզիկների անձնական և այդ մարզաձևերի ազգային հավաքականների մարզիչներին։
ՀՖԿՍՊԻ ռեկտոր Դավիթ Խիթարյանը կարևորեց գրագետ և բանիմաց մարզիչների աշխատանքը՝ բարձրակարգ մարզիկների մարզական ձեռքբերումների գործում։ «Նաև սպորտային մայր բուհում՝ Հայաստանի ֆիզիկական կուլտուրայի և սպորտի պետական ինստիտուտում, ստացած գիտելիքների ներդրմամբ է հնարավոր դառնում պատրաստել սպորտային բարձր նվաճումների հասած մարզիկներ։ Շնորհակալություն մեր մարզիներին, որ իրենց գիտելիքների շնորհիվ կարողանում են պատրաստել մեր հայրենիքին ճանաչելիություն ու փառք բերող մարզիկների»,– նշեց ռեկտորը։