Մեկնարկել է «Евразия Global» միջազգային երիտասարդական համաժողովի մասնակցության հայտերի ընդունման գործընթացը

📣 Ռուսաստանի Դաշնության երիտասարդության հարցերով դաշնային գործակալության և Օրենբուրգի մարզի կառավարության աջակցությամբ 2021 թվականի սեպտեմբերի 2- 8-ը Օրենբուրգ քաղաքում տեղի կունենա «Eurasia Global» միջազգային երիտասարդական համաժողովը:
Համաժողովի հիմնական թեմատիկ ուղղություններն են՝
🔹Գործընկերություն՝ հանուն կրթության և կարողությունների /հմտությունների/ զարգացման: Մարդկային ներուժի նոր դերը:

🔹Համագործակցություն և երիտասարդական ձեռներեցային գործընկերություն:

🔹Կայուն զարգացում, շրջակա միջավայր, գիտակցված սպառում:

🔹Երիտասարդության ձայնը. ժամանակակից մեդիա և հաղորդակցության միջոցներ:
Համաժողովին մասնակցելու հրավեր է ստացել Հայաստանի Հանրապետության պատվիրակությունը՝ բաղկացած 10 անդամներից:
Համաժողովին կարող են մասնակցել 18-35 տարեկան երիտասարդներ: Մասնակցության պարտադիր պահանջներից է ռուսերենի և անգլերենի ազատ տիրապետումը:
❗️ Երևան-Օրենբուրգ-Երևան ճանապարհածախսը հոգում է մասնակիցը, իսկ կեցության, սննդի և Օրենբուրգում տեղափոխության ծախսերը՝ հրավիրող կողմը:
⏳Համաժողովին մասնակցել ցանկացողները մինչև 2021 թվականի հունիս 30-ը կարող են youth@escs.am էլեկտրոնային հասցեին (թեմա դաշտում նշել «Օրենբուրգ», «Eurasia Global» և անուն, ազգանուն) ուղարկել ինքնակենսագրական և էսսե՝ վերը նշված թեմատիկ ուղղություններից մեկի վերաբերյալ:

Համաժողովի վերաբերյալ անհրաժեշտ տեղեկությունները անգլերեն՝ կից ֆայլում։