Այսօր կայացավ Հայաստանի ֆիզիկական կուլտուրայի և սպորտի պետական ինստիտուտի գիտական խորհրդի հերթական նիստը, որի մեկնարկին
ռեկտոր Տիգրան Սիմոնյանը դոցենտի գիտական կոչման վկայագրեր հանձնեց Ըմբշամարտի և արևելյան մարզաձևերի ամբիոնի դասախոսներ
Բաղդասարյան Իրինային և Նաջարյան Քրիստինեին, Ծանրամարտի, բռնցքամարտի և սուսերամարտի ամբիոնի դասախոս Մելքումյան Արթուրին
և Պրակտիկայի բաժնի ղեկավար մ․գ․թ․ Մեսրոպ Բարբարյանին։
Դոցենտի գիտական կոչման շնորհումը կարևոր ձեռքբերում է գիտակրթական գործունեության ոլորտում, ինչպես նաև բարձրակարգ մանկավարժական և
գիտահետազոտական աշխատանքի իրականացման արդյունք։
Ռեկտոր Տիգրան Սիմոնյանը շնորհավորեց նորանշանակ դոցենտներին՝ մաղթելով նոր հաջողություններ մասնագիտական ճանապարհին և ակտիվ
ներգրավվածություն բուհի գիտական և կրթական ծրագրերում։