«Հայաստանի ֆիզիկական կուլտուրայի և սպորտի պետական ինստիտուտ» հիմնադրամի հոգաբարձուների խորհուրդը ինստիտուտի կոլեգիալ կառավարման բարձրագույն և հսկողություն իրականացնող մարմին է, որն իրականացնում է օրենքով, ինստիտուտի կանոնադրությամբ նախատեսված և հիմնադրամի մյուս մարմիններին օրենքով չվերապահված այլ լիազորություններ:

Խորհրդի իրավասություններից են մասնավորապես՝
          ● աշխատակարգի հաստատումը.
          ● ռեկտորի ընտրության կանոնակարգի մշակումը, հաստատումը, ընտրության կազմակերպումը, ռեկտորի ընտրության և լիազորությունների վաղաժամկետ դադարեցման մասին որոշումների ընդունումը,
          ● ռեկտորի տարեկան հաշվետվության լսումն ու գնահատումը,
          ● ինստիտուտի գործունեության ռազմավարական և տարեկան ծրագրերի հաստատումը, կառուցվածքի հաստատումը, հաստիքացուցակի հաստատումը,
          ● իր որոշումների կատարման ընթացքի վերահսկումը։

Խորհուրդը ստեղծվում է 5 տարի ժամկետով, ինստիտուտի կանոնադրությանը համապատասխան և բաղկացած է 20 անդամներից։

Հոգաբարձուների խորհրդի նախագահ
Կարեն Գիլոյան
ՀՀ կրթության, գիտության, մշակույթի և սպորտի նախարարի տեղակալ

 

 

 

Կրթություն
1996-2000 թթ. ԵՊՀ ժուռնալիստիկայի ֆակուլտետ (գերազանցության դիպլոմ)
1987-1993 թթ. ԵրՊԻ մեքենաշինական արդյունաբերության էկոնոմիկա-կառավարում ֆակուլտետ (ավարտել է գերազանցությամբ)

Աշխատանքային գործունեություն
2020 թ. դեկտեմբերի 29-ին նշանակվել է ՀՀ ԿԳՄՍ նախարարի տեղակալ
2020 թ. մինչ օրս ՀՖԿՍՊԻ դասախոս
2018 թ. Բասկետբոլի Եվրասիական լիգայի հիմնադիր խորհրդի նախաձեռնող խմբի անդամ և ընտրվել է լիգայի նախագահ
2016-2020 թթ. Հանրային հեռուստաընկերության սպորտի բաժնի ղեկավար
1996-2016 թթ. Հանրային հեռուստաընկերության «Սպորտ» ստուդիայի ավագ լրագրող, հաղորդավար, մեկնաբան
2007-2014 թթ. «Ուլիս» ֆուտբոլային ակումբի մամուլի քարտուղար
2005 թ. մինչ օրս ԵՊՀ ժուռնալիստիկայի ֆակուլտետի դասախոս
2002-2019 թթ. Հայաստանի ձիասպորտի ֆեդերացիայի գլխավոր քարտուղար,
2019-2021 թթ. Նախագահի տեղակալ
2000 թ. մինչ օրս Հայաստանի դարթսի ֆեդերացիայի հիմնադիր նախագահ
1995 թ. «Նորք» հեռուստատեսության «Լուրեր» բաժնի լրագրող
1998 թ.-ին լուսաբանել է Մոսկվայում կայացած աշխարհի պատանեկան խաղերը

Մեկնաբանել է 2004 թ.-ին՝ Աթենքում, 2008 թվականին՝ Պեկինում, 2012 թվականին՝ Լոնդոնում և 2016 թվականին Ռիո դե Ժանեյրոյում կայացած ամառային օլիմպիական խաղերը։ Մեկնաբանել է նաև 2006 թ.-ին՝ Թուրինում, 2010 թվականին՝ Վանկուվերում և 2014 թ.-ին Սոչիում կայացած ձմեռային օլիմպիական խաղերը։ Մրցավայրից լուսաբանել է ավելի քան աշխարհի 22 և Եվրոպայի 31 առաջնություն: 2014 թ.-ին ղեկավարել է Էջմիածնում կայացած նետաձգության Եվրոպայի առաջնության մամուլի կենտրոնը։ 2015 թ.-ին եղել է Բաքվում կայացած Եվրոպական առաջին ամառային խաղերի հայաստանյան պատվիրակության մամուլի ղեկավարը:

Պարգևներ
2019 թ.-ին Համահայկական խաղերի բացման արարողության և կազմակերպչական աշխատանքների համար ԱՀ նախագահի կողմից պարգևատրվել է «Երախտագիտություն» մեդալով
2016 թ.-ին Հանրային հեռուստաընկերության 60-ամյակի կապակցությամբ, երկարամյա և արդյունավետ աշխատանքի համար ՀՀ նախագահի կողմից պարգևատրվել է «Երախտագիտության» մեդալով
2015 թ.-ին պարգևատրվել է Հայաստանի ազգային օլիմպիական կոմիտեի «Հրանտ Շահինյան» անվանական հուշամեդալով, իսկ ՀՀ սպորտի և երիտասարդության հարցերի նախարարության կողմից ստացել է ոսկե մեդալ
2010 թ.-ին պարգևատրվել է Հայաստանի ազգային օլիմպիական կոմիտեի «Տրդատ Երրորդ Արշակունի» հուշամեդալով
2007 թ.-ին պարգևատրվել է ՀՀ նախագահի շնորհակալագրով

Այլ տվյալներ
1988-1989 թթ. ծառայել է բանակում. ԽՍՀՄ ՀՕՊ, ավագ, մարտական հաշվարկի հրամանատար

Տիրապետում է ռուսերենին, անգլերենին, վրացերենին և գերմաներենին:

Նորություններ

«Համաեվրոպական ֆուտբոլի շաբաթ» դպրոցական առաջնության մասնակիցները՝ ՀՖԿՍՊԻ–ում

May 26, 2022

Այսօր ՀՖԿՍՊԻ–ում հյուրընկալել ենք «Հայկական հատուկ օլիմպիադաներ» ՀԿ–ի կողմից կազմակերպված «Համաեվրոպական ֆուտբոլի շաբաթ»…

Թեկնածուական ատենախոսության պաշտպանություն՝ ՀՖԿՍՊԻ մասնագիտական խորհրդում

May 24, 2022

ՀՖԿՍՊԻ–ում գործող մանկավարժության 065 մասնագիտական խորհրդում տեղի ունեցավ Իլյա Խիպաշվիլու «Ֆուտբոլիստների մարզման և…